නගරාන්තර මාර්ග තදබදය අවම කිරීම සඳහා කොළඹ නගරය අවට ගුවන් පාලම් දහසයක් කඩිනමින් ඉදිකිරීමට රජය තීරණය කරයි.
ඒ සඳහා බි‍්‍රතාන්‍ය රජයෙන් රුපියල් කෝටි 10750 ක ණය ආධාර ශ‍්‍රී ලංකා රජයට ලබා දී ඇතැයි, වැඩබලන මහාමාර්ග හා මාර්ග සංවර්ධන ඇමැති ටී. බී. ඒකනායක මහතා ප‍්‍රකාශ කෙළේය.
නව ගුවන් පාලම් දහසය කැලණිය, නුගේගොඩ, පානදුර, දෙහිවල, මීගමුව, මහව, කොහුවල, බොරලැස්ගමුව, ආමර් වීදිය, හිල්ටන් වටරවුම, ලිප්ටන් වටරවුම, කිරුලපන, ජාඇල, වේයන්ගොඩ, කොම්පඤ්ඤවීදිය ආදී නගරයන්හි ඉදිකිරීමට නියමිත බව ඇමැතිවරයා කීය.
මීටර් 300 ක දිගින් යුත් නුගේගොඩ ගුවන් පාලමේ වැඩකටයුතු ලබන මස අරඹන බව කී ඇමැතිවරයා, මං තීරු හතරක් යටතේ ඉදිකෙරෙන නුගේගොඩ ගුවන් පාලම සම්පූර්ණ වැඩකටයුතු ලබන වසරේ අවසන් කිරීමට යෝජිත බව කීවේය.
මෙම ගුවන් පාලම් පෙර සවි පාලම් ලෙස ඉදිකෙරෙන බව කී හෙතෙම කොන්කී‍්‍රට්වලින් මෙවැනි ගුවන් පාලම් ඉදිකිරීම සඳහා වසර තුනක පමණ කාලයක් ගත වනු ඇති බවත් එහෙත් පෙර සවි පාලම් මගින් දින 70 - 80 කින් පමණ ගුවන් පාලමක් ස්ථාපිත කළ හැකි බවත්, පැවැසීය.
Subscribe to:
Post Comments (Atom)
No comments:
Post a Comment