කොටි පාලන ප‍්‍රදේශවලින් පැමිණි තරුණයින් 05 දෙනෙක් ආරක්‍ෂක අංශ වෙත භාර වෙයි

එල්.ටී.ටී.ඊ. පාලනය යටතේ පවතින මුද නොගත් මල්ලාවි ප‍්‍රදේශයේ සිට පලා ආ තරුණයින් 05 දෙනෙක් අද (28* උදෑසන 6.00 පමණ රජයේ පාලන ප‍්‍රදේශ වෙත පැමිණ තිබේ. මෙසේ පැමිණි පිරිස මන්නාරම පල්ලිමුනේ පිහිටි නාවික හමුදා අණුකණඩය වෙත භාර වී ඇත. තරුණියන් සිව්දෙනෙක් සහ එක් තරුණයකුගෙන් සමන්විත මෙම කණ්ඩායම වයස අවුරුදු 16-27 අතර පසුවන්නන්ය. තරුණියන් සිව්දෙනා පිළිවෙලින වයස අවුරුදු 16,19,21 සහ 26 වයස් කාණ්ඩවල පසුවන අතර, තරුණයා අවු. 27 වියේ පසුවෙයි. ඔවුන් පවසන්නේ කොටි සංවිධානය විසින් සිදුකරන බලහත්කාර බඳවා ගැනීම් වලින් බේරීමට මෙසේ පලා ආ බවයි.
රජයේ ආරක්‍ෂක අංශ වෙත පැමිණ මෙසේ භාරවූවන් , නාවික භටපිරිස් වෙත ඔවුන්ගේ ක‍්‍රියාකලාපය වෙනුවෙන් ස්වකීය ප‍්‍රසාදය පළකර සිටියි. මෙකී පිරිස අවශ්‍ය ඉදිරි කටයුතු සඳහා මේ වන විට රජයේ නියෝජිතයින් හරහා මන්නාරම සිවිල් සම්බන්ධීකරණ නිලධාරී වෙත යොමුකර තිබේ.
පසුගිය කාලය තුළ වරින් වර සාමාන්‍ය වැසියන් විශාල වශයෙන් කොටි ග‍්‍රහණයෙන් මිදී රජයේ පාලන ප‍්‍රදේශ වෙත පළා ආවේය. ඔවුන් බහුතරයක් පැවසූයේ එල්.ටී.ටී.ඊ. සංවිධානය සිදුකරන බලහත්කාර බඳවා ගැනීම, වද බන්ධන ආදිය තවදුරටත් දරාගත නොහැකිව ඉතා දුෂ්කර මාවත් ඔස්සේ දිවි පරදුවට තබා පැමිණි බවයි. මීට ඉහත දී කොටි සංවිධානය අ.පො.ස. (සා/පෙළ* අසමත් තරුණ පිරිස යුද්ධය බලහත්කාරයෙන් බඳවාගෙන ඇති බවට වර්තා හෙළිවිය. එසේම යුදමය වශයෙන් පරාජයන් ලබමින් සිටින එල්.ටී.ටී.ඊ. යේ අවම වන පිරිස් බලය වැඩිකර ගැනීමට ද ඔවුන් තරුණ කොටස් බලහත්කාරයෙන් සංවිධානයට බඳවා ගන්නා බවට තොරතුරු පළවිය. මේ තත්ත්වය උග‍්‍ර ලෙස පවතින කොටි පාලන ප‍්‍රදේශවලින් පළා එන මෙවන් තරුණ පිරිස් පසක් කර දෙන්නේ මෙකී වාර්තාවල සත්‍යතාවය නොවේ ද?