දයා පෙරේරා, දුමින්ද ගුරුගේ, ස්වර්ණා විජේකෝන්
ඇඟලුම් කර්මාන්තය සඳහා ජී. එස්. පී. ප්ලස් බදු සහනය ලබා ගැනීමට විපක්‍ෂ නායකයා යෝජනා කරන ව්‍යවස්ථා සංශෝධන ක‍්‍රියාත්මක කළ හොත් ශ‍්‍රී ලංකාවේ ජනරජ ස්වභාවය නැති වී ස්වෙරීත්වයට හානියක් සිදුවන බව අගමැති රත්නසිරි වික‍්‍රමනායක මහතා පාර්ලිමේන්තුවේ දී ඊයේ (3) ප‍්‍රකාශ කෙළේය.
විපක්‍ෂනායකයා යෝජනා කරන කිසිම ආණ්ඩු ක‍්‍රම ව්‍යවස්ථා සංශෝධනයකට රජය එකඟවන්නේ් නැතැයි ද අගමැතිවරයා අවධාරණය කෙළේය.
එම ව්‍යවස්ථා සංශෝධන කි‍්‍රයාත්මක කළ හොත් ශ‍්‍රී ලංකාවේ ස්වෙරීත්වය අන්තර් ජාතික නීතිය හමුවේ හෑල්ලුවට ලක්විය හැකි අතර පාර්ලිමේන්තුවේ හා අධිකරණයේ උත්තුංගභාවයට හානියක් විය හැකි යැයි ද අගමැතිවරයා පැවැසීය. අගමැතිවරයා එසේ ප‍්‍රකාශ කෙළේ විපක්‍ෂ නායක රනිල් වික‍්‍රමසිංහ මහතා පාර්ලිමේන්තුවේ දී ඊයේ පෙරවරුවේ සිදුකළ විශේෂ ප‍්‍රකාශයකට පිළිතුරු දෙමිනි.
ශ‍්‍රී ලංකාව වෙනත් බලවේගයකට අවනත කර ගත හැකි ව්‍යවස්ථා සංශෝධනයක් සඳහා පාර්ලිමේන්තුවේ කිසිම මන්තී‍්‍රවරයකු කැමති වේ යැයි තමා නොසිතන බව ද අගමැතිවරයා පැවැසීය.
අගමැතිවරයා මෙසේද ප‍්‍රකාශ කෙළේය.
ශ‍්‍රී ලංකාවේ නීතිය හා අන්තර්ජාතික නීතිය අතර පවතින සම්බන්ධතාවය ගැන මට උපදෙස් ලැබී තිබෙනවා. නල්ලරත්නම් සිංහරාසා නඩුවේ දී ශ්‍රේෂ්ඨාධිකරණය ලබා දුන් තීන්දුව හේතුවෙන් ශ‍්‍රී ලංකාවේ හා අන්තර්ජාතික නීතියේ ස්වභාවයේ වෙනසක් සිදු වන්නේ නැහැ.
අප රටේ ආණ්ඩු ක‍්‍රම ව්‍යවස්ථාව හා මේ සභාව අනුගමනය කරන නෙතික තීන්දු අනුව අන්තර් ජාතික නීතිය හා ශ‍්‍රී ලංකා නීතිය අතර දෙවැදෑරුම් ක‍්‍රමයක් පවතිනවා. අන්තර් ජාතික ප‍්‍රඥප්ති ශ‍්‍රී ලංකා නීතියට අනුගත කරන විට දේශීය වශයෙන් එහි ගුණ අගුණ සොයා සම්මත කර ගැනීම සඳහා පාර්ලිමේන්තුවට බාර දෙනවා.
අපි අන්තර්ජාතික ගිවිසුම් අස්සන් කළ පසු එය අප රටේ නීතියට ස්වයංකී‍්‍රයව අනුගත වෙනවා.
විපක්‍ෂ නායකවරයා සඳහන් කරන ආකාරයේ කිසිදු ව්‍යවස්ථා වෙනසක් අවශ්‍ය නැහැ.
ශ‍්‍රී ලංකාවේ නීතිය නිර්වචනය කරන විට අන්තර් ජාතික නීතිය පිළිගන්නා රටක් වශයෙන්, නීතිය නිර්වචනය කිරීමේ අයිතිය අධිකරණයට තිබෙනවා.
මෝනිස් ක‍්‍රමය පවතින රටවල් කිහිපයක් තිබෙනවා. එවැනි ක‍්‍රමයක් ශ‍්‍රී ලංකාවේ කිසි විටෙක අනුගමනය කර නැහැ.
ජී. එස්. පී. + බදු සහනය ලබාදීමේ දී යුරෝපා කොමිසම ජාත්‍යන්තර ප‍්‍රඥප්ති විසිහතක් ශ‍්‍රී ලංකා ආණ්ඩු ක‍්‍රම ව්‍යවස්ථාවට අනුගත වී ඇත්දැයි සොයා තීන්දු කරනු ඇති.
ඔවුන් සිවිල් හා දේශපාලන අයිතිය පිළිබඳ ප‍්‍රඥප්තිය, හිංසනයට එරෙහි ප‍්‍රඥප්තිය, ළමා අයිතිවාසිකම් ප‍්‍රඥප්තිය යන ප‍්‍රඥප්ති කි‍්‍රයාත්මක වීම ගැන යුරෝපා කොමිසම උනන්දුවකින් කි‍්‍රයා කරනවා. ඒවා අප හොඳින් කි‍්‍රයාත්මක කරනවාදැයි බලනවා.
විපක්‍ෂ නායකවරයා කියන ආකාරයේ සංශෝධනයක් කරන්නැයි යුරෝපා කොමිසම අපට කියා නැහැ. ඉහත ප‍්‍රඥප්ති නිසි පරිදි කි‍්‍රයාත්මක වෙනවාදැයි බැලීමටයි, කියා ඇත්තේ.
බදු සහනය ලබාදීමට ය‍්‍රුරෝපා කොමිසමට විමර්ශනයක් සඳහා ඉඩ නොදෙන බව අප කියා තිබෙනවා. එසේ ඉඩ දුන්නා නම් එය ස්වෙරී රටක් වශයෙන් අපේ රටේ ගරුත්වයට හානියක්.
විපක්‍ෂ නායකවරයා කියා සිටින ව්‍යවස්ථා සංශෝධනය ක‍්‍රියාත්මක කළ හැක්කේ නම් අපේ රට ද්විත්ව නෙතික ක‍්‍රමය පවතින රටක සිට මෝනිස් ක‍්‍රමය පවතින රටක් බවට පත්වෙනවා. එය සම්පූර්ණ ව්‍යවස්ථා සංශෝධනයක් වෙනවා.
අන්තර් ජාතික නෙතික ගුණධර්ම අනුව ප‍්‍රඥප්තියක් අස්සන් කළ වහාම එය දේශීය නීතියට අනුගත වී ජාතික නීතියක් බවට පත්වෙනවා.
අපේ රටේ නීතියට අනිසි ලෙස ඇඟිලි ගැසීම මෙරට ආණ්ඩුක‍්‍රම ව්‍යවස්ථාව උල්ලංඝණය කිරීමක්. සංශෝධනය කළ විට අපේ රටේ ජනරජ ස්වභාවය නැති වී ස්වෙරීත්වය නැති රටක් බවට පත්වීමට පුළුවන්.
Subscribe to:
Post Comments (Atom)
No comments:
Post a Comment