චන්ද්‍රිකා පෙරේරා
ගුවන් යානා නාශක උණ්ඩ ඇතුළු නවීන අවි ආයුධ තොගයක් කොටි ත‍්‍රස්තවාදීන්ට ලබා දීම සඳහා ගෙන යමින් තිබූ විශාල ප‍්‍රමාණයේ යාත‍්‍රාවකට පෙරේදා (20) අලුයම 2.00 ට පමණ මුලතිව් ඊසාන දිග මුහුදු තීරයේදී නාවික හමුදාව විසින් ප‍්‍රහාර එල්ල කර විනාශ කැර තිබේ.
මෙහිදී ඇතිවූ ගැටුමේදී මුහුදු කොටි ත‍්‍රස්තවාදීන් තිස්දෙනකුට ආසන්න පිරිසක් මියගිය බව අනාවරණය වී තිබේ.
අවි ආයුධ ප‍්‍රවාහනය කෙරුණු මීටර් 40 ක් පමණ දිග විශාල යාත‍්‍රාව හා එයට ආරක්ෂාව සපයමින් යාත‍්‍රා කළ තවත් කොටි යාත‍්‍රා හතරක් නාවික හමුදා ප‍්‍රහාරවලින් විනාශ වී ඇත.
කොටි අවි යාත‍්‍රාව මුලතිව් සිට ඊසාන දෙසින් මුහුදු සැතපුම් 70 ක් (කිලෝ මීටර් 140 ක්) පමණ දුර මුහුදු සීමාවේ දි යාත‍්‍රා කරමින් තිබියදී නාවික හමුදාව නිරීක්ෂණය කැර තිබේ.
යාත‍්‍රාවේ කිසිදු නිල ලාංඡනයක්, නාමයක් හෝ ධජයක් දක්නට නොවීමත් ශ‍්‍රී ලංකා මුහුදු සීමාවේ යාත‍්‍රාවක් ගමන් ගන්නා බවට කිසිදු රටකින් දැනුම්දීමක් නොකර තිබීමත් හේතුවෙන් අභිරහස් යාත‍්‍රාව පිළිබඳ සැක ඇති වූ බව නාවික හමුදාව පවසයි.
ඒ අනුව චැනල් 16 හරහා (ජාත්‍යන්තර පණිවිඩ හුවමාරුව මගින්) අදාල යාත‍්‍රාව සමඟ සම්බන්ධ වී තොරතුරු විමසීමේදී පිළිතුරු ලබාදී නැත.
ආරක්ෂක යාත‍්‍රා සමඟ එම යාත‍්‍රාව වේගයෙන් ගමන් කරන විට නාවික හමුදාව අවවාදාත්මක වෙඩි ප‍්‍රහාර එල්ල කැර නවතින ලෙස සංඥා කිරීමේදී යාත‍්‍රාවේ සිට හමුදා යාත‍්‍රා වලට වෙඩි ප‍්‍රහාර එල්ලවී ඇත.
ගොඩබිම සිට මුහුදු සැතපුම් 30 ක (කි. මී. 60) පමණ දුර මුහුදේ දී අලුයම 2.00 සිට පැය හයකට ආසන්න කාලයක් දෙපිරිස අතර ගැටුම් ඇතිවූ බව නාවික හමුදාව පැවැසීය.
ගැටුමේදී නාවික හමුදාවට හානි සිදුවි නොමැති අතර ත‍්‍රස්තවාදීන්ගේ ආරක්ෂාවට තිබූ බෝට්ටුවක් ප‍්‍රහාර හමුවේ පළා ගිය බවට තොරතුරු ලැබී තිබේ. යාත‍්‍රාවේ තිබූ අවි ආයුධ මුලතිව් චලේ ප‍්‍රදේශයෙන් ;ගාඩබිමට රැගෙන යාම සඳහා කොටි උත්සාහ ගෙන ඇති බව නාවික හමුදාව පවසයි.
Subscribe to:
Post Comments (Atom)
No comments:
Post a Comment