ඒ. එෆ්. පී.
මුම්බායි නුවර සිදුවූ ත‍්‍රස්ත ප‍්‍රහාර හේතුවෙන් ඉන්දියාවේ ආරක්ෂක තත්ත්වය සැලකිල්ලට බ¼ඳුන්ව ඇතත් 2010 පොදු රාජ්‍ය මණ්ඩල කී‍්‍රඩා උළෙල සහ 2011 ලෝක කුසලාන කි‍්‍රකට් තරගාවලිය කලින් නියමිත පරිද්දෙන් ම ඉන්දියාවේ පැවැත්වෙනු ඇතැයි එරට ඉහළ පෙළේ නිලධාරීහු පවසති.
2010 වසරේ ඔක්තෝබර් 3 සිට 14 දක්වා නවදිල්ලියේ පැවැත්වීමට නියමිත පොදු රාජ්‍ය මණ්ඩලීය කී‍්‍රඩා උළෙලට කිසිම තර්ජනයක් නැතැයි ඉන්දියා ඔලිම්පික් සංගමයේ මහ ලේකම් රන්ධීර් සිං කියයි
”මුම්බායි හි සිදුවූ දෙය ශෝකාන්තයකි. එහෙත් කී‍්‍රඩාව පවත්වාගෙන යා යුතුයි. අපි මේ කී‍්‍රඩා උළෙල පවත්වන්න දැඩි ලෙස අදිටන් කරගෙන සිටිනවා.” ජගත් ඔලිම්පික් කමිටුවේ සාමාජිකයකු ද වන සිං පවසයි.
”බොහෝ අන්තර්ජාතික කී‍්‍රඩා තරගවල මෙන්ම අධි ආරක්‍ෂාවක් තියේවි. කලබල වෙන්න වුවමනාවක් නැහැ. විරෝධතා පෙළපාළි තිබුණත් මේ වසර මුලදී නවදිල්ලියේදී ඔලිම්පික් ගිනි සිළුව රැගෙන යාම ප‍්‍රශ්නයක් නැතිව සිදුවූයේ දැඩි ආරක්ෂාව යොදා තිබූ නිසයි.”
2010 පොදු රාජ්‍ය මණ්ඩලීය කී‍්‍රඩා උළෙල ආසියානු නගරයකට පිරිනමන ලද දෙවැනි අවස්ථාව මෙය වේ. පළමු අවස්ථාව වූයේ 1998 වසරේ මලයාසියානු අගනුවර වන ක්වාලාලම්පූර් ය.
188 දෙනෙකුට මරු කැඳවූ මුම්බායි ත‍්‍රස්ත ප‍්‍රහාර සම්බන්ධයෙන් ඉන්දියාව හා පාකිස්තානය අතර තානාපති සබඳතා පළුදු වීම හේතුවෙන් දකුණු ආසියානු ටෙස්ට් රටවල් හතරේ සත්කාරකත්වයෙන් පැවැත්වෙන 2011 ලෝක කුසලාන කි‍්‍රකට් තරගාවලිය පිළිබඳ සැකයක් ද මතු විය.
එහෙත් එම තරගාවලිය තර්ජනයට ලක්ව ඇතැයි කෙරෙන අනුමාන ෆෙඩරල් ඇමැතිවරයකු මෙන්ම වසර 2010 දී ජගත් කි‍්‍රකට් කවුන්සලයේ සභාපති ලෙස පත්වන ෂරාඩ් පවාර් ඉවත හළේය. “මින් ඉදිරියට එවැනි ත‍්‍රස්ත කි‍්‍රයාවක් මෙහි සිදු නොවන පරිදි සැකසෙන ආරක්ෂක වැඩපිළිවෙළක් ළඟදීම දැකගන්නට ලැබේවි” ඔහු පැවැසීය.
පාකිස්තාන සංචාරය
මේ අතර ජනවාරියේ පාකිස්තානයේ සංචාරයක් සඳහා රජයෙන් අවසර ලැබෙන තෙක් ඉන්දියා කි‍්‍රකට් බලධාරීහු බලා සිටිති. එහෙත් මාධ්‍ය වාර්තා පවසන්නේ එම සංචාරය සිදු නොවනු ඇති බවයි. මුම්බායි හි ප‍්‍රහාරයට ත‍්‍රස්තවාදීන් පැමිණියේ පාකිස්තානයේ සිට බවට ඉන්දියාව චෝදනා කිරීම මීට හේතුවයි.
අසල්වැසි දෙරට අතර හටගෙන තිබෙන උණුසුම් වාතාවරණය ලිහිල් කිරීමට කි‍්‍රකට් තානාපති සබඳතා හේතුවනු ඇතැයි පවසන පාකිස්තාන කි‍්‍රකට් නායක ෂොයිබ් මලික් ඉන්දියා කණ්ඩායම තම රටට පැමිණෙන ගමන එලෙසින් ම සිදුකරන ලෙස ඉන්දියාවෙන් ඉල්ලා සිටී.
”අපි කි‍්‍රකට් තරග කී‍්‍රඩා කළොත් දෙරටේම ජනතාවට ඔවුන්ගේ අවධානය වෙනතකට යොමුකිරීමට අවස්ථාව ලැබේවි. එවිට දැන් තියෙන තත්ත්වය පැහැදිලිව හොඳ අතට හැරේවි. අතීතයේත් මේ අයුරින් ම කි‍්‍රකට් සබඳතා උපකාරි වෙලා තියෙනවා.”
මලික් වාර්තාකරුවනට කීවේය. ලබන වසරේ ජනවාරි - පෙබරවාරි පාකිස්තාන සංචාරයේදී ඉන්දියාව ටෙස්ට් තරග තුනකට අන්තර්ජාතික එක්දින තරග පහකට හා ඕවර විස්සයි 20 තරගයකට සහභාගි වීමට නියමිතය. කි‍්‍රකට් යනු ඉන්දියා උප මහද්වීපයේ ලොකුම ආලය බව පැවසූ මලික් එමඟින් මීට පෙරත් ඉන්දියාව හා පාකිස්තානය ළංකර වූ උදාහරණ ගෙන හැර දැක්වීය.
පාකිස්තානයේ හමුදා පාලක ජනරාල් සියා උල් හක් පාකිස්තාන කි‍්‍රකට් කණ්ඩායමේ 1987 ඉන්දියා සංචාරය මැදදී ඉන්දියාවට පැමිණෙමින් කි‍්‍රකට් කී‍්‍රඩාව දෙරට අතර තානාපති සබඳතා වර්ධනය කර ගැනීමේ ආයුධයක් ලෙස පාවිච්චි කෙළේය. පාකිස්තාන පිලද ඉන්දියා සික් අන්තවාදීන්ගේ මරණ තර්ජන තිබියදීත් 1999 වසරේදී ඉන්දියාවේ සංචාරය කෙළේය.
තම කණ්ඩායම ඉක්මනටම තරග කී‍්‍රඩා කළ යුතුව ඇතැයි පාකිස්තාන කි‍්‍රකට් නායකයා පවසා සිටියේය. ”අපට කි‍්‍රකට් කී‍්‍රඩාව ඉතාමත් දැඩි ලෙස අවශ්‍ය වී තියෙනවා. හේතුව අපි මේ අවුරුද්දේ එක ටෙස්ට් තරගයක්වත් කී‍්‍රඩා නොකළ නිසයි.
ඒ නිසා අපි ඉන්දියා පිල මෙහි පැමිණෙන තුරු පුන පුනා බලා සිටිනවා” මලික් කීවේය.
ඉස්ලාමීය යුදවාදීන්ගෙන් එල්ල වීමට ඉඩ තිබූ ප‍්‍රහාරවලට බියෙන් ඔස්ටේ‍්‍රලියාව මේ වසර මුලදී පාකිස්තානයේ සංචාරය කිරීම ප‍්‍රතික්‍ෂේප කළ නිසා පාකිස්තානයට වසර පුරාම ටෙස්ට් තරගයක් නොලැබිණි.
ඉන්දියාව පාකිස්තානයේ සංචාරය කිරීම ප‍්‍රතික්‍ෂේප කළොත් පාකිස්තාන පිලේ ඊළඟ ටෙස්ට් තරගාවලිය යෙදී ඇත්තේ 2009 ජූලි මාසයේ ශී‍්‍ර ලංකාවේය. මුම්බායි හි ත‍්‍රස්ත ප‍්‍රහාරය නිසා කල් දැමුණු ටෙස්ට් තරගාවලියට සහභාගි වීමට එංගලන්ත කණ්ඩායම යළි ඉන්දියාවට පැමිණෙනු ඇතැයි තමා බලාපොරොත්තු වන බවද ෂොයිබ් මලික් කීය.
”ටෙස්ට් තරගාවලිය සඳහා ඉන්දියාවට යන්න එංගලන්තය එකඟ වුණොත් එය ඉතා හොඳ තීරණයක් වේවි. හේතුව කි‍්‍රකට් දිගටම තිබිය යුතු නිසායි” මලික් වැඩිදුරටත් සඳහන් කෙළේය.
එංගලන්ත කණ්ඩායම
එංගලන්ත කි‍්‍රකට් කණ්ඩායම යළි ඉන්දියාවට යාම ඔවුන්ගේ ආරක්ෂක උපදේශක රෙග් ඩිකාසන් මත රැඳී තිබේ. ඉන්දියාව විසින් වඩාත් දැඩි ආරක්‍ෂාවක් සැපයීමට පොරොන්දු වී ඇති බැවින් එංගලන්තය එම සංචාරයේ නියැලීමට එකඟ වීමට ඉඩ ඇතත් ඔවුන් අවසාන තීරණය ගනු ඇත්තේ තවත් දින කිහිපයකට පසුව ඩිකාසන්ගේ අලුත්ම වාර්තාව ලැබීමෙන් පසුව පමණි. ඒ අතරවාරයේ අබුඩාබියට ගොස් එහි නේවාසික පුහුණුවක යෙදීම ගැන එංගලන්තය සලකා බලමින් සිටී.
ඩිකසන්ගෙන් “කොළ එළිය” ලැබුණු පසුව ඔවුන් එතැනින් චෙන්නායි බලා යනු ඇතැයි අපේක්‍ෂා කෙරේ. එංගලන්ත කණ්ඩායම අබුඩාබි කි‍්‍රකට් සමාජයේ පුහුණුව ලබමින් පුහුණු තරගයකට සහභාගි වනු ඇතැයි අබුඩාබියෙන් වාර්තා වෙයි. එංගලන්තය විසින් ඉන්දියාවෙන් ඉල්ලා ඇතැයි පැවසෙන කාරණා අතර සෑම තරග ස්ථානයකම 20 දෙනෙකුගෙන් යුත් කොමාන්ඩෝ හමුදාවක් සැපයීම හා ප‍්‍රහාරයක් හමුවේ සැනින් එම ස්ථානයෙන් ඉවත්ව යාමේ වැඩපිළිවෙළක් ද වෙති.
Subscribe to:
Post Comments (Atom)
No comments:
Post a Comment