මහින්ද කුලතුංග
ඊළාම් සිහින උන්මාදයෙන් දෙමළ ජනතාව නිදහස් කරන්නැයි ඉල්ලා කොටි නායක ප‍්‍රභාකරන්ට විරෝධය පළ කරමින් මුලතිව් ඔඩ්ඩුසුඩාන් හන්දිියේ විරෝධතාවක් පළ කිරීමට පැමිණෙමින් සිටි කොටි මහා වීර පවුල්වල සාමාජිකයන්ට එල්ටීටීඊ ය පෙරේදා (1) පහර දී පලවා හැර තිබේ.
මුලතිව්, පුදුකුඩුඉරිප්පු සහ විශ්වමඩු යන ප‍්‍රදේශවල සිට මේ මහා වීර පවුල්වල සාමාජිකයන් පැමිණි අතර කොටි සාමාජිකයන් එම ජනතාවට තුවක්කු එල්ල කර වෙඩි තබන බවට තර්ජනය කර පහර දී පලවා හැර ඇති බවත් වාර්තා වේ.
යුද්ධයට දරුවන් ලබා දී ඇති පවුල් එල්. ටී. ටී. ඊ. ය මඟින් මහා වීර පවුල් ලෙස නම්කර ඔවුන්ට විවිධ විශේෂ වරප‍්‍රසාද ලබා දී තිබේ.
එහෙත් තම පවුල්වල ඉතිරිව සිටින අනෙකුත් දරුවන්ද එල්. ටී. ටී. ඊ. ය බලහත්කාරයෙන් රැගෙන ගොස් යුද්ධයට යොදවා මරා දැමීමට විරෝධය පළකරමින් සහ එල්. ටී. ටී. ඊ. නායක ප‍්‍රභාකරන්ට සාප කරමින් මහා වීර පවුල්වල සාමාජිකයන් මේ උද්ඝෝෂණය සඳහා පැමිණි බවත් ආරක්ෂක අංශ වාර්තා සඳහන් කෙළේය.
කොටි නායකයා තම මහා වීර පවුල්වලට දුන් පොරොන්දු කඩ කරමින් අවුරුදු 12 ට අඩු දරුවන් යුද්ධයට බලහත්කාරයෙන් බඳවාගන්නා බවත් එම මහා වීර පවුල්වල සාමාජිකයෝ චෝදනා කළහ.
සාමාන්‍ය වැසියන් සිටින ස්ථානවල එල්. ටී. ටී. ඊ. ය තම බංකර සහ වෙඩි තැබීමේ ස්ථාන අටවා තිබීමත් මහා වීර පවුල්වල විරෝධතාවට හේතු වී තිබේ.
”එල්. ටී. ටී. ඊ. නායකයා අපිව රැවැට්ටුවා. අපේ දරුවන් අපිට ලබාදෙන්න. බලහත්කාරයෙන් දරුවන් යුද්දෙට බඳවා නොගන්න. ඊළාම් සිහින උන්මාදයෙන් දෙමළ ජනතාව නිදහස් කරන්න” යනුවෙන් සටන් පාඨ ඔසවාගෙන මහා වීර පවුල්වල සාමාජිකයෝ පැමිණෙමින් සිටියදී කොටින්ගේ පහරකෑමට ලක්ව ඇති අතර ඔවුන් කොටි සංවිධානයට සාප කරමින් පලා ගොස් ඇති බවත් එම ආරක්ෂක අංශ වාර්තා සඳහන් කෙළේය.
Subscribe to:
Post Comments (Atom)
No comments:
Post a Comment