මීගමුව විශේෂ එච්.ප‍්‍රනාන්දු
එල්.ටී.ටී.ඊ. ත‍්‍රස්තවාදීන්ට අන්තර්ජාතික දුරකථන පණිවිඩ ලබා දීමේ රහසිගත මධ්‍යස්ථානයක් වැටලූ මීගමුව පොලිසියේ නිලධාරීහු එම සන්නිවේදන උපකරණ සමගින් ද්‍රවිඩ ජාතිකයන් තිදෙනකු ඊයේ (2) සවස අත්අඩංගුවට ගනු ලැබූහ.
මේ මධ්‍යස්ථානය පවත්වාගෙන ගොස් තිබුණේ මීගමුව කුඩාපාඩුව ප‍්‍රදේශයේ ඇළ පාරේ නිවසකය.
පොලිසිය මේ මධ්‍යස්ථානයේ සඟවා තිබූ දුරකථන 80ක කොටස්, බැටරි හා ඒවාට අදාළ උපාංග තොගයක්ද අත්අඩංගුවට ගෙන ඇත. පොලිස් විමර්ශනවලදී හෙළිවී තිබෙන අන්දමට රහසිගත පණිවිඩ ලබා ගැනීමේ මධ්‍යස්ථානය පවත්වාගෙන ගොස් තිබෙන්නේ ජර්මනියේ ත‍්‍රස්තවාදීන් පිරිසක් සමගයි.
පරිඝනක ආධාරයෙන් ශ‍්‍රී ලංකාවේ දුරකථන සම්බන්ධතා ජාලයට හසු නොවී මේ දුරකථන පද්ධතිය ක‍්‍රියාත්මකවී තිබේ. අන්තර් ජාලයේ සම්බන්ධතා ඔස්සේ මේ රහසිගත දුරකථන පද්ධතිය කි‍්‍රයාත්මක කර තිබෙන බැව්ද වැඩිදුරටත් විමර්ශනවලදී අනාවරණය වී ඇත.
ශ‍්‍රී ලංකා විදුලි සංදේශ නීති රීති උල්ලංඝනය කරමින් මේ ජාවාරම ඉතාමත් රහසිගතව පවත්වාගෙන ගොස් තිබෙන බව ශ‍්‍රී ලංකා ටෙලිකොම් සමාගමේ මීගමුව ප‍්‍රාදේශීය කාර්යාලයේ උසස් නිලධාරියෙක් “දිනමිණ”ට පැවසීය.
මේ ජාවාරම හරහා රුපියල් කෝටි ගණන් මුදල් ලබාගෙන තිබෙන බවද පැවසේ.
මීගමුව ජ්‍යෙෂ්ඨ පොලිස් අධිකාරී පේර්මසිරි විතාන මහතාගේ අධීක්ෂණය මත මේ පිළිබඳව විමර්ශන පවත්වාගෙන යනු ලබන්නේ මීගමුව මූලස්ථාන ප‍්‍රධාන පොලිස් පරීක්ෂක සෝමසිරි ලියනගේ මහතා ප‍්‍රධාන පොලිස් නිලධාරීන් පිරිසකි.
සැකකරුවන් තිදෙනා රැඳවුම් නියෝග මත රඳවා වැඩිදුර පරීක්ෂණ සිදුකැරේ.
Subscribe to:
Post Comments (Atom)
No comments:
Post a Comment