නිරූෂි විමලවීර
එක්සත් ජාතික පක්ෂයේ වයඹ මහ ඇමැති අපේක්ෂකයා ලබන සතියේ නම් කරන බව, එජාප සභාපති කුරුණෑගල දිසා මන්තී‍්‍ර ගාමිණි ජයවික‍්‍රම පෙරේරා මහතා කීය.
වයඹ එජාප මහ ඇමැති අපේක්ෂකයා ලෙස කුරුණෑගල දිස්ති‍්‍රක් පාර්ලිමේන්තු මන්තී‍්‍රවරයෙක් නම් කිරීමට පක්ෂයේ අවධානය යොමුවී ඇතැයිද ඒ මහතා කීය.
වයඹ හා මධ්‍යම පළාත් සභා සඳහා නාම යෝජනා ලබා ගැනීමට අයදුම් කළ අපේක්ෂකයන්ට මේ මස 22, 23 දිනවල සම්මුඛ පරීක්ෂණ සිදුකර සුදුස්සන් තෝරාපත් කරන බවද හෙතෙම සඳහන් කෙළේය.
වයඹ හා මධ්‍යම පළාත් සභා සඳහා එජාප නාමයෝජනා පත‍්‍රවල සියයට අනූවක වැඩ අවසන් බව කී සභාපතිවරයා, ඒ සඳහා අපේක්ෂකයන් දහසක පිරිසක් නාම යෝජනා ඉල්ලා අයදුම්පත‍්‍ර ඉදිරිපත් කර තිබූ බවද පැවැසීය.
මධ්‍යම පළාත් මහ ඇමැති අපේක්ෂකයා ලෙස එස්. බී. දිසානායක මහතාගේ නම දැනටමත් පක්ෂ කෘත්‍යාධිකාරි මණ්ඩලය ඒකමතිකව තීන්දු කර ඇතැයිද ඒ මහතා වැඩිදුරටත් කීය.
Subscribe to:
Post Comments (Atom)
No comments:
Post a Comment