මහින්ද කුලතුංග
මුලතිව් දිස්ති‍්‍රක්කයේ පෙරියකුලම් ගම්මානය ඊයේ (02) සවස ශ‍්‍රී ලංකා ආරක්ෂක හමුදාව විසින් අත්පත් කර ගන්නා ලදී.
මුලතිව් කොටියමලේට කිලෝමීටරයක් බටහිරින් මේ ගම්මානය පිහිටා තිබේ. බි‍්‍රගේඩියර් නන්දන උඩවත්තගේ නායකත්වයෙන් යුත් යුද හමුදාවේ 59 වැනි සේනාංකය විසින් මේ ගම්මානය අත්පත් කරගත් බව ජාතික ආරක්ෂාව පිළිබඳ මාධ්‍ය මධ්‍යස්ථානය සඳහන් කළේය.
මෙම ගම්මානයේ වැසියන්ගේ නිවෙස් ආශි‍්‍රතව ත‍්‍රස්තවාදීන් බංකර ඉදිකර තිබී ඇති අතර හමුදාව ඉතාමත් විමසිලිමත්ව ත‍්‍රස්තවාදීන්ට ප‍්‍රහාර එල්ල කර ගම්මානය අත්පත් කර ගෙන තිබේ.
ගැටුමේදී ත‍්‍රස්තවාදීන්ට බරපතල හානි සිදුවී ඇති අතර ත‍්‍රස්තවාදීන් ගම්මානය හැර දමා පළාගොස් තිබේ.
එම ප‍්‍රදේශයේ තවදුරටත් ආරක්ෂක මෙහෙයුම් සිදු කැරේ.මේ අතර උතුරේ මෙහෙයුම් වල නිරත හමුදා සේනාංක මහවැසි මැද ඊයේ (2) දිනයෙත් තම මෙහෙයුම් ඉදිරියට කි‍්‍රයාත්මක කරමින් හමුදා ඉදිරි ආරක්ෂක වළලු පුළුල් කර ගැනීමට සමත් වූහ.
මුලතිව් බලා මෙහෙයුම් කි‍්‍රයාත්මක කරන 59 වන සේනාංකයේ භට පිරිස් ඊයේ (2) දහවල් වන විට ආන්දන්කුලම් කොටි ඉදිරි ආරක්ෂක වළල්ලට පහර දී කොටි බංකර් හතරක් විනාශ කරමින් ඉදිරියට ගමන් කළ බව ජාතික ආරක්ෂාව පිළිබඳ මාධ්‍ය මධ්‍යස්ථානය පවසයි.
මේ අතර කොකාවිල් ප‍්‍රදේශය අත්පත් කර ගත් 57 වැනි සේනාංකයේ භට පිරිස් කොකාවිල් ප‍්‍රදේශයෙන් ඉදිරියට ගමන් කරමින් ඉදිරි ආරක්ෂක වළල්ල පුළුල් කර ගෙන තිබේ.
නාගර්කෝවිල් දෙසින් මෙහෙයුම් ආරම්භ කර ඇති 53, 54 වැනි සේනාංක වල සෙබළුන් ඊයේ (2) කොටින්ට දැඩි ප‍්‍රහාර එල්ල කර ඇත. මේ අතර යාපනයේදී හමුදාව කිලෝ පහක් බරැති ක්ලෝමෝ බෝම්බයක් ඊයේ (2) සොයා ගෙන තිබේ.
Subscribe to:
Post Comments (Atom)
No comments:
Post a Comment