දයා පෙරේරා, දුමින්ද ගුරුගේ, ස්වර්ණා විජේකෝන්
එක්සත් ජාතික පක්ෂය ඉදිරිපත් කරන ආණ්ඩුක‍්‍රම ව්‍යවස්ථා සංශෝධන කි‍්‍රයාත්මක නොකළහොත් ජී.එස්.පී + පහසුකම් නොලැබී යනු ඇතැයි විපක්ෂනායක රනිල් වික‍්‍රමසිංහ මහතා පාර්ලිමේන්තුවේදී විශේෂ ප‍්‍රකාශයක් කරමින් ඊයේ (03) ප‍්‍රකාශ කෙළේය.
එම ප‍්‍රකාශයේ මෙසේද සඳහන් වේ. නිදහසින් පසු අස්සන් කරනු ලැබූ අන්තර්ජාතික ගිවිසුම් බොහොමයක නෙතික භාවය සහ ඒවායේ කි‍්‍රයාත්මක වීම පිළිබඳ බොහෝ ප‍්‍රශ්නයන් මෙයින් මතුවී ඇත.
එසේම අන්තර්ජාතික කම්කරු සංවිධානයේ(ධ්ඹ්ර්‍ණ) ප‍්‍රඥප්තිය අනුව අවශ්‍ය සෑම අවස්ථාවකදීම එහි අඩංගු ප‍්‍රඥප්තීන්වලට නෙතික බලපෑම දීම සඳහා සියලුම සාමාජික රටවල් බැඳී සිටිය යුතුය. මෙවැනිම විධිවිධාන වෙනත් බොහෝ ජාත්‍යන්තර ගිවිසුම්වල අඩංගුවී තිබේ. මෙයින් අදහස් වනුයේ දැනට පවතින ජාත්‍යන්තර ගිවිසුම් කි‍්‍රයාත්මක කිරීම සඳහා පාර්ලිමේන්තුවට පනත් බොහොමයක් සම්මත කිරීමට තිබෙන බවයි.
මේ පනත් සම්මත කිරීමට අපොහොසත් වීම යුරෝපා සංගමය සමග ගනුදෙනු කිරීමේදී ප‍්‍රධාන ප‍්‍රශ්නයක් බවට පත් වී ඇත. මෙහිදී(ට්ඉර්‍ථ+) රෙගුලාසි අනුවඑයින් පහසුකම් ලබන සියලුම රටවල් යහපාලනය සහ සංවර්ධනයට අදාළ අන්තර්ජාතික සම්මුතීන් සම්මත කර ඒවා කි‍්‍රයාත්මක කළ යුතුයි. 2004 දී පළමු වරට අප ට්ඉර්‍ථ+ පහසුකම් සඳහා අයැදුම්පතක් ඉදිරිපත් කළ විට මේ සම්මුතීන් අප විසින් සම්මත කර කි‍්‍රයාත්මක කළ බවක් සඳහන් කරන ලදී.
එහෙත් 2006 දී “සිංහරාස නඩුව“ නෙතික තත්ත්වය වෙනස් කරන ලදී. එහි ප‍්‍රතිඵලයක් වශයෙන් සම්මුති 27ක් කි‍්‍රයාත්මක කිරීම සඳහා අප වෙත වූ වගකීම අප විසින් පැහැර හැර ඇත. 2009 වර්ෂය සඳහා ට්ඉර්‍ථ+ පහසුකම් ලබාගැනීමට මෙය ප‍්‍රධාන බාධකයක් වී ඇත.
මේ ගැටලු දෙක නිරාකරණය කර ගැනීම සඳහා එක්සත් ජාතික පක්ෂය විසින් අලුත් ව්‍යවස්ථා සංශෝධනයක් යෝජනා ඉදිරිපත් කරන ලදී. මේ සංශෝධනවල අඩංගුවිය යුතු මූලික සිද්ධාන්ත පහත සඳහන් වේ.
පවතින නීති හා ගැළපෙන මේ දක්වා රජය විසින් අස්සන් කරන ලද සියලුම ජාත්‍යන්තර ගිවිසුම් වහාම කි‍්‍රයාත්මක වීම. අනාගතයේදී රජය විසින් සම්මත කරනු ලබන අන්තර්ජාතික ගිවිසුම් කිසිවක් වේ නම් එය පවත්නා නීති වලට අනුකූලවන්නේ නම් පාර්ලිමේන්තුවට ඉදිරිපත් කර සම්මත වූ වහාම කි‍්‍රයාත්මක කළ යුතුය.
රජය විසින් සම්මත කරන ලද යම්කිසි අන්තර්ජාතික ගිවිසුමක් පවතින නීති හා ගැටෙන වගන්ති අඩංගු වේ නම් පවතින නීති සංශෝධනය කිරීමෙන් පසු ඒවා කි‍්‍රයාත්මක විය යුතුය.
පවතින නීති රජය විසින් අස්සන් කරනු ලබන ජාත්‍යන්තර ගිවිසුම් කි‍්‍රයාත්මක කිරීමට ප‍්‍රමාණවත් නොවන අවස්ථාවලදී පාර්ලිමේන්තුවේ පනතක් සම්මත කිරීමෙන් පසු එම ගිවිසුම් කි‍්‍රයාත්මක කළ යුතුය.
මෙම ව්‍යවස්ථා සංශෝධනය ට්ඉර්‍ථ+ පහසුකම් රඳවා ගැනීම සඳහා අපට ආධාරකයක් වනු ඇත. එසේ නොවුනහොත් ට්ඉර්‍ථ+ පහසුකම අපට නොලැබී යනු ඇතිවා පමණක් නොව විශාල සංඛ්‍යාවකට රැකියා අහිමි වනු ඇත.
එවැනි තත්ත්වයක් උද්ගත වුවහොත් අවුරුදු 3 ක කාල සීමාවක් සඳහා සෑම අවුරුද්දකටම රුපියල් කෝටි 2100ක් නිමි ඇඳුම් කර්මාන්තයට පමණක් ලබාදෙන බව රජය විසින් ප‍්‍රකාශ කර ඇත.
එහෙත් 2009 විසර්ජන පනත් කෙටුම්පතට මේ මුදල රජය විසින් අඩංගු කර නොමැත. අයවැය යෝජනා වලින් පසුව රජයේ සංශෝධනය කළ ආදායම රුපියල් කෝටි 3000 ක වැඩිවීමක් පෙන්නුම් කරයි.
වැට් බදු 2%කින් වැඩි නොකර රජයට 2009 වර්ෂයේදී මෙම මුදල ලබාගැනීමට හැකි වන්නේද යන්න පිළිබඳව සැකයක් මතුවෙයි.අප සමග සාකච්ඡා කරන්නේවත් නැතිව එක්සත් ජාතික පක්ෂයේ මෙම යෝජනා ආණ්ඩුව විසින් ප‍්‍රතික්ෂේප කිරීම කනගාටුවට කරුණකි.
2008 නොවැම්බර් මස 17 වැනි දින මේ සම්බන්ධයෙන් පාර්ලිමේන්තුවේදී ප‍්‍රකාශයක් කළ අගමැතිතුමා අප වෙත චෝදනාවක් නිකුත් කරමින් කියා සිටියේ මෙම සංශෝධන වලට එකඟ වන්නේ නම් ශ්‍රේෂ්ඨාධිකරණයේ තීරණ වලට එරෙහිව විදේශ රටකට අභියාචනා ඉදිරිපත් කිරීමේ බලය ලැබෙන බැවින් පෙර පැවති “ප‍්‍රිවී කවුන්සිලයට” සමාන වරප‍්‍රසාද ලබාදීමට නොහැකි බවයි. එවැනි සංශෝධනයක් ම විසින් යෝජනා කර නැත.
“ප‍්‍රිවී කවුන්සිලය” යටත් විජිතයක් වශයෙන් අපේ ඉහළම අභියාචනාධිකරණය වූ අතර නිදහස ලැබීමෙන් පසුද ස්වාධීන රාජ්‍යයක් වශයෙන් එය අපේ ඉහළම අභියාචනාධිකරණය විය.
උසාවි ආඥා පනත අනුව ශ්‍රේෂ්ඨාධිකරණය සහ මූලික අධිකරණයන් “ප‍්‍රිවී කවුන්සිලයේ” තීන්දු කි‍්‍රයාත්මක කිරීමට බැඳී සිටි.
Subscribe to:
Post Comments (Atom)
No comments:
Post a Comment