මහින්ද කුලතුංග
කිලිනොච්චියේ නිවිල් උතුරු ප‍්‍රදේශයේ ගමන්කරමින් තිබූ කොටි ත‍්‍රස්තවාදීන්ගේ කැබ් රථයකට යුදහමුදාව විසින් ඊයේ (21) සවස දැඩි ප‍්‍රහාරයක් එල්ලකර එය විනාශ කර තිබේ.
එම කැබ් රථයේ ගමන්කළ කොටි ප‍්‍රාදේශීය සන්නද්ධ නායකයකු මියයන්නට ඇතැයි ආරක්ෂක අංශ විශ්වාස කරයි.
මේ අතර කිලිනොච්චියේ පුදුමුරිප්පුකුලම් වැව ආශ‍්‍රිත ප‍්‍රදේශයේ කොටි ඉලක්ක කීපයකට ඊයේ (21) උදේ ගුවන් හමුදාවේ එම්.අයි. 24 හෙලිකොප්ටර් යානා මගින් ප‍්‍රහාරයක් එල්ලකර තිබේ.
එම ප‍්‍රහාරයෙන් ත‍්‍රස්තවාදීන් විශාල පිරිසක් මියයන්නට හෝ තුවාල ලබන්නට ඇතැයි විශ්වාස කරන බව ගුවන් හමුදා මාධ්‍ය ප‍්‍රකාශක වින්ග්කමාන්ඩර් ජනක නානායක්කාර මහතා පවසයි.
අලිමංකඩ ප‍්‍රදේශයේ සිට ඊයේ දහවල් සිවිල් සාමාන්‍ය වැසියන් 16 දෙනකු පුනරීන්හි නාගතෙවන්තුරෙයි ජැටියට පැමිණ යුද හමුදාවට බාරවී තිබේ. හමුදාව එම වැසියන්ට අවශ්‍ය මූලික පහසුකම් ලබාදී මන්නාරම ප‍්‍රදේශයේ සරණාගත කඳවුරකට යොමුකර තිබේ.
Subscribe to:
Post Comments (Atom)
No comments:
Post a Comment