මහින්ද කුලතුංග සහ චන්ද්‍රිකා පෙරේරා
මුලතිව් දිස්ති‍්‍රක්කයේ නැදුන්කර්නි නගරය සහ අවට ගම්මාන සියල්ල ඊයේ (21) උදේ වන විට සම්පූර්ණයෙන්ම අත්පත්කර ගැනීමට යුද හමුදාව සමත් විය.
හමුදාවේ 4 වැනි කාර්ය සාධක බළකායේ රණවිරුවන් මේ ජයග‍්‍රහණය අත්පත්කරගත් බව යුද හමුදා මාධ්‍ය ප‍්‍රකාශක බි‍්‍රගේඩියර් උදය නානායක්කාර මහතා කීය.
අලුතින් පිහිටවූ 4 වැනි කාර්ය සාධක බළකායේ ප‍්‍රථම මෙහෙයුම සහ ප‍්‍රථම ජයග‍්‍රහණය මෙම නැදුන්කර්නි ප‍්‍රදේශය අත්පත්කරගැනීම බවත් ඒ මහතා පැවැසීය.
පෙරේදා සවස සිට පැවැති දරුණු සටන් වලින් අනතුරුව ත‍්‍රස්තවාදීන් පළවා හැර නැදුන්කර්නි නගරය හා අවට ප‍්‍රදේශ සම්පූර්ණයෙන්ම නිදහස්කර ගැනීමටයුද හමුදාව සමත් විය.
නැදුන්කර්නිවලට උතුරු දෙසින් ඔඩ්ඩුසුඩාන් කොටි පාලන ප‍්‍රදේශයත්, ඊසාන දිග ප‍්‍රදේශයෙන් මුලතිව් මාර්ගයත් පිහිටා ඇති අතර හමුදාව නැදුන්කර්නි සම්පූර්ණයෙන් අත්පත්කර ගැනීම යුදමය අතින් ඉතාමත් වැදගත් බව බි‍්‍රගේඩියර් නානායක්කාර සඳහන් කෙළේය.
නගරයේ ඇති රජයේ ගොඩනැඟිලි සහ නිවාස ත‍්‍රස්තවාදී ප‍්‍රහාරවලින් විනාශ වී ඇති අතර එම ගොඩනැගිලිවල ත‍්‍රස්තවාදීන් බංකර තනා තිබී ඇත.
මර උගුල් හමුදාවේ ඉදිරි ගමන වැළැක්වීමට බිම් බෝම්බ සහ විශාල පස්බැම්මක් නගරය වටා ඉදිකර තිබී ඇත.
මේ අතර කිලාලි, මුලතිව්, නැදුන්කර්නි, ඔටියමලේ, අම්පකාමම් උතුර, කිලිනොච්චි නිවිල්, මුලතිව් නැදුන්කර්නි, ඔටියමලේ අක්කරායන්කුලම් හා ඉරණමඩු බටහිර ප‍්‍රදේශවලදී කොටි ත‍්‍රස්තවාදීන් හා යුද හමුදා භට පිරිස් අතර දරුණු ගැටුම් පැවතිණි.
මේ ගැටුම්වලින් අනතුරුව සිදුකළ සෝදිසි මෙහෙයුම් වලදී ත‍්‍රස්තවාදී මළ සිරුරු තුනක් හා තවත් අවි ආයුධ තොගයක් සොයා ගත් බව යුද හමුදාව පවසයි.
Subscribe to:
Post Comments (Atom)
No comments:
Post a Comment