මුහමලෙයි ඒ-9 මාර්ගයේ දකුණ හා උතුර ප‍්‍රදේශයේ රජයේ ආරක්ෂක හමුදා හා එල්ටීටීඊය අතර අද (23) අලූයම සිට පැවැති දරුණු සටන්වලින් දෙපැත්තේම 67 දෙනෙකු මියගොස් තිබේ.
හමුදා ප‍්‍රකාශක බි‍්‍රගේඩියර් උදය නානායක්කාර පැවැසුවේ එල්ටීටීඊ අද (23) අලූයම මුහමලෙයි යුද හමුදා ඉදිරි ආරක්ෂක වළල්ලට ප‍්‍රහාර එල්ල කර තිබෙන බවත්, හමුදාව ද ප‍්‍රතිප‍්‍රහාර එල්ල කළ බවත්ය.
මෙම ගැටුමෙන් එල්ටීටීඊ 52 මියගොස් විශාල සංඛ්‍යාවක් තුවාල ලබා තිබෙන අතර හමුදාවේ ද 15 දෙනෙකු මියගොස් 74 දෙනෙකු තුවාල ලබා ඇතැයි ද බි‍්‍රගේඩියර් නානායක්කාර පැවැසීය.
හමුදාව එල්ටීටීඊ ප‍්‍රදේශයේ මීටර් 500 ක් පමණ භූමි ප‍්‍රදේශයක් අත්පත් කරගෙන මේ වන විට හමුදා භටයින් එහි සිටින බවත්, එල්ටීටීඊ සාමාජිකයින් සතුව තිබූ ආයුධ තොගයක් ද හමුදාව අතට පත්ව තිබෙන බවත් බි‍්‍රගේඩියර් නානායක්කාර වැඩිදුරටත් සඳහන් කළේය.
Subscribe to:
Post Comments (Atom)
No comments:
Post a Comment