ඉදිකිරීම් සහ ඉංජිනේරු සේවා අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් යුතු ශ්‍රී ලංකා ආණ්ඩුවේ දූත පිරිසක් නෝර්වේ වෙත ගොස් එරට ජාත්‍යන්තර සංවර්ධන අමාත්‍ය එරික් සොල්හයිම් මහතා සමඟ සාකච්ඡාවක් පවත්වා ඇතැයි නෝර්වේ හි සිටින zලංකා ඊ නිව්ස්Z නියෝජිතයා වාර්තා කරයි.
මෙම සාකච්ඡාව සිදුව ඇත්තේ ඊයේ (15) දිනයේදීය.
ශ්‍රී ලංකාවේ නැගෙනහිර පළාතේ සහ මන්නාරමේ පවතින තත්ත්වය පිළිබඳවද, හඳුනා නොගත් සන්නද්ධ බලකායන් සහ ඔවුන්ගේ සහායක හමුදා විසින් නීතියට පිටින් සිදු කරන ඝාතන සම්බන්ධයෙන්ද මෙහිදී සාකච්ඡා කොට ඇතැයි අපේ වාර්තාකරු සඳහන් කරයි.
නෝර්වේ විදේශ අමාත්‍යංශයේදී ඊයේ (15) රාත්‍රී 10.00 ට පමණ ආරම්භ වූ එරික් සොල්හයිම් අමාත්‍යවරයා සහ ශ්‍රී ලංකා රජයේ දූත පිරිස අතර සාකච්ඡාව පැය 2 1/2 ක් පුරා පැවැති අතර විදේශ අමාත්‍යවරයාගේ විශේෂ සන්නිවේදන උපදේශකවරයා සහභාගි වී තිබේ. මෙම සාකච්ඡාවේ ඡයාරූප ගැනීමට මාධ්‍යවේදීන්ට ඉඩදීම නෝර්වේ විදේශ අමාත්‍යංශය විසින් ප්‍රතිෙක‍ෂ්ප කිරීම විශේෂත්වයකි. ශ්‍රී ලංකාවේදී නෝර්වේ පුරවැසියකු මාර්තු 31 වන දින සිට අතුරුදන්වී ඇතැයි කියන සිද්ධිය සම්බන්ධයෙන් ද නෝර්වේ ආණ්ඩුවේ සැලකිල්ල මෙම සාකච්ඡාවේදී පළ කොට ඇත.
Subscribe to:
Post Comments (Atom)
No comments:
Post a Comment