නැ’හිර තැපැල් ඡන්ද 28-29 දෙදින
දයා පෙරේරා
නැඟෙනහිර පළාත් සභා ඡන්ද විමසීමේ තැපැල් ඡන්ද සලකුණු කිරීම ලබන 28 හා 29 දෙදින පැවැත්වෙන බව මැතිවරණ මහ ලේකම් කාර්යාලය කියයි.
තැපැල් ඡන්ද පාවිච්චි කිරීම සඳහා 22412 දෙනෙක් සුදුසුකම් ලබා සිටිති. එයින් 4427 ක් මඩකළපුව දිස්ති‍්‍රක්කයට අයත්ය. දිගාමඩුල්ල (අම්පාර) දිස්ති‍්‍රක්කයේ 9468කි. ති‍්‍රකුණාමලය දිස්ති‍්‍රක්කයේ 8517ක් ද වෙති.
තැපැල් ඡන්ද පති‍්‍රකා නිකුත් කිරීම සිකුරාදා (18) සිදු කැරෙන බවද මැතිවරණ මහලේකම් කාර්යාලය කියයි.
පළාත් සභා ඡන්ද විමසීමේ දී ඡන්ද දායකයෝ 982721ක් සඳහා නිල ඡන්ද දැන්වීම් පති‍්‍රකා බෙදා දීමට ලබන සඳුදා(21) තැපැල් දෙපාර්තමේන්තුවට බාර දෙන බවත් ඒවා මැයි මස 2 වැනිදා දක්වා බෙදීමට හැකි බවත් ඒ කාර්යාලය කීය.
ලබන 27 වැනිදා ඉරිදා නිල ඡන්ද දැන්වීම් පති‍්‍රකා බෙදාහැරීමේ විශේෂ දිනයක් ලෙස කි‍්‍රයාත්මක කිරීමට තැපැල් දෙපාර්තමේන්තුව කටයුතු යොදා ඇත.
පළාත් සභා ඡන්ද විමසීම මැයි මස 10 වැනිදා සිදු කැරේ.
Subscribe to:
Post Comments (Atom)
No comments:
Post a Comment