රන්ජිත් පද්මසිරි
එල්.ටී.ටී.ඊ සංවිධානයේ කඳවුරුවල ගිනි අවි පුහුණුව ලබා දකුණේ ප‍්‍රචණ්ඩකාරි කි‍්‍රයා සිදු කරමින් රාජ්‍ය විරෝධි කටයුතු වල යෙදුණු බව කියමින් අත් අඩංගුවට ගෙන සිටි සිංහල කොටින් ලෙස හැඳින්වූ සැකකරුවන් 24 දෙනා ගෙන් 10 දෙනෙක් මුදා හරින ලෙස කොළඹ අතිරේක මහේස්ත‍්‍රාත් විරාජ් රණතුංග මහතා නියම කෙළේය.
යුද හමුදාව මගින් අත් අඩංගුවට ගැනීමෙන් පසු වසර දෙකකට අධික කාලයක් රඳවා ගැනීමේ නියෝග මත හා රිමාන්ඩ් භාරයේ රඳවා සිටි සරත් ප‍්‍රනාන්දු, ලසන්ත රන්ජන් සිල්වා, ජගත් උදය කුමාර, උදය ආර්. තෙන්නකෝන්, කි‍්‍රෂ්ණපියන්, රෝහන් රාජ්, මහේන්ද්‍රන්, අජිත් කුමාර, ආර්.එම්. සරත් , හා සුරේෂ් කුමාර ඩයස් යන සැකකරුවන් මෙසේ නිදහස් කෙළේ මොවුන්ට එරෙහිව නඩු නොපවරන බවට නීතිපතිවරයා ගොනු කැර තිබු වාර්තාව සැලකිල්ලට ගෙනය.
මේ සැකකරුවන්ට එරෙහිව නඩුවක් පැවරීම සඳහා ප‍්‍රමාණවත් සාක්කි නොමැති බවට නීතිපතිවරයා අධිකරණය වෙත කරුණු දන්වා තිබුණි.
මේ සිද්ධියට අදාළව අත් අඩංගුවට ගෙන සිටින අනෙක් සැකකරුවන්ට මහාධිකරණය හමුවේ නඩු පැවැරීමට අපේක්ෂා කරන බව නීතිපතිවරයා දැනුම් දී තිබේ. යුද හමුදා බුද්ධි අංශ මගින් 2007 පෙබරවාරි මස 5 වන දින අත් අඩංගුවට ගෙන තිබුණි.
මුදාහරින ලද මේ සැකකරුවන් අතරින් සරත් ප‍්‍රනාන්දු, ලසන්ත රන්ජන් සිල්වා හා ජගත් උදය කුමාර යන අය ගොනු කළ මූලික අයිතිවාසිකම් පෙත්සම ශ්‍රේෂ්ඨාධිකරණය හමුවේ සළකා බැලීමෙන් පසු මේ සැකකරුවන් මුදා හැරීමට නීතිපතිවරයා තීරණය කැර තිබුණි.
Subscribe to:
Post Comments (Atom)
No comments:
Post a Comment