අද අපි දිනන්නම ඕනෑ

ජගත් පේ‍්‍රමචන්ද්‍ර
සංචාරක ඉන්දීය කි‍්‍රකට් කණ්ඩායම සහ ශී‍්‍ර ලංකා කි‍්‍රකට් කණ්ඩායම අතර තෙවැනි එක්දින අන්තර්ජාතික කි‍්‍රකට් තරගය අද (3) දිවා / රාති‍්‍රයේ කොළඹ ආර්. පේ‍්‍රමදාස අන්තර්ජාතික කි‍්‍රකට් කී‍්‍රඩාංගණයේදී පැවැත්වේ.

ලක්ෂ්මිපති බලාජි
තරග 5කින් සමන්විත එක්දින තරගාවලිය දැනටමත් 2 – 0ක් ලෙස ඉදිරියෙන් සිටින ඉන්දීය කී‍්‍රඩකයෝ අද තරගයට පිවිසෙන්නේ ජයග‍්‍රාහී මානසිකත්වයෙනි.
පසුගිය වසරේදී ද දෙරට අතර පැවැති එක්දින තරගාවලියේ සූරයන් වූ ඉන්දියානුවන් මේ තරගාවලියද වේලාසනින් ම ජය ගැනීමට තම උපරිම ශක්තිය අද තරගයේ දී ද යොදවනු ඇත.
සත්කාරක ශී‍්‍ර ලංකා කී‍්‍රඩකයන්ට අද තරගය තීරණාත්මක වීම නිසා දැඩි පීඩනයකින් යුක්තව පිටියට පිවිසීමට සිදුවනු ඇත.
තරගාවලියේ ජයග‍්‍රහණය සඳහා බලාපොරොත්තු තබාගැනීමට නම් ශී‍්‍ර ලංකා කී‍්‍රඩකයෝ අද තරගය අනිවාර්යයෙන් ම ජය ගත යුතුව තිබේ.
ඒ සඳහා යම් තරමකට හෝ අස්වැසිල්ලක් ලැබෙනුයේ මේ වන විට පිතිකරු ලැයිස්තුව තරමක ප‍්‍රගතියක් දැක්වීම ය.
පිතිකරුවෙකු ලෙස දිගින් දිගටම අසාර්ථකව සිටි නායක මහේල ජයවර්ධන පසුගිය තරගයේදී ලකුණු අතරට පිවිසීම කණ්ඩායමේ ප‍්‍රගමනයට හේතුවී තිබේ.
එම තත්ත්වය දිගින් දිගටම පවතින්නේ නම් අද තරගය එතරම්ම අභියෝගයක් විය නොහැකිය. ලෝක වාර්තාවක් අභියස සිටින මුත්තයියා මුරලිදරන්ට අද නැවත වතාවක් වාර්තාව කරා යාමට අවස්ථාව උදාවී තිබේ.
ලොව වැඩිම ටෙස්ට් කඩුලු (769) ලාභියා වන මුරලිදරන්ට ලොව වැඩිම එක්දින ජාත්‍යන්තර කඩුලුලාභියා වීමට තවත් ඇත්තේ කඩුලු 2ක අඩුවකි.
පසුගිය තරගයේ දී මුරලිදරන්ට කිසිදු කඩුල්ලක් නොලැබුණු අතර අජන්ත මෙන්ඩිස්ට හිමිවූයේද අවසන් කඩුලු ද්විත්වයයි.
ඒ පිළිබඳව ඉන්දීය නායක මහේන්ද්‍ර සිං දෝනි මාධ්‍ය හමුවේ උදම් ඇනුවේ “ශී‍්‍ර ලංකා දඟ පන්දුයවන්නන්ට අපේ පිතිකරුවෝ හොඳින් මුහුණදුන්නා” කියාය.
ඒ සමඟම ඔහු “ඔවුන්ට අපි කඩුලු ලබා දුන්නෙ නෑ. ඒ වගේම ඔවුන් අපිට ලෙහෙසියෙන් ලකුණු ලබාගන්න දුන්නෙත් නෑ” යන ගෞරවය ද ශී‍්‍ර ලංකා දඟ පන්දු යවන්නන්ට ලබා දුන්නේය.
මේ පිළිබඳව ශී‍්‍ර ලංකා නායක මහේල ජයවර්ධන ප‍්‍රකාශ කෙළේ “මුරලි යමක් කරාවි. එය ඉතා ඉක්මනින් ම සිදුවේවි” කියාය.
එමෙන්ම ශී‍්‍ර ලංකා කණ්ඩායමේ අලුත්ම දඟ පන්දු තුරුම්පුව වන අජන්ත මෙන්ඩිස් පිළිබඳව මහේල ප‍්‍රකාශ කළේ “අඩු වයසෙ ඉන්න අජන්තගෙන් නිතරම කඩුලු ලබාදෙන්න කියල කියන්න බෑ.
නමුත් ඔහු ඉතා හොඳ මෙහෙයක් කරනවා. ඔහු නැවැත කඩුලුලාභී පන්දුයන්නෙක් වේවි” කියාය. මේ අතර පළමු තරගයට කී‍්‍රඩා කරද්දී ආබාධයකට ගොදුරුවී දෙවැනි තරගයට කී‍්‍රඩා නොකළ මුනාෆ් පටෙල් වෙනුවට 27 හැවිරිදි දකුණත් මදවේග පන්දුයවන ලක්ෂ්මිපති බලාජි ඉන්දීය කණ්ඩායමට කැඳවා ඇත.
ඉන්දියාව වෙනුවෙන් ටෙස්ට් තරග 8කට සහ එක්දින ජාත්‍යන්තර තරග 29 කට මුහුණදී ඇති බලාජි අවසන් වරට එක්දින තරගයකට සහභාගී වී ඇත්තේ 2005 වසරේදී ය. ඒ ද ශී‍්‍ර ලංකාවට එරෙහිව ය.
අද තරගයේදී ඉන්දීය වේගපන්දු යවන සහීර් කාන් කඩුලු 2ක් ලබාගතහොත් ඔහු ශී‍්‍ර ලංකාවට එරෙහිව වැඩිම කඩුලු ලබාගත් කී‍්‍රඩක ලැයිස්තුවේ දෙවැනියා බවට පත්වේ. ඔහු මේ වන විට තරග 29කට සහභාගී වී කඩුලු 42ක් ලබා සිටී.
එම ලැයිස්තුවේ පළමු වැනියා ලෙස තරග 25කදී කඩුලු 49ක් ලබාගත් අජිත් අගාකාර් ද දෙවැනියා ලෙස තරග 36කදී කඩුලු 43ක් ලබාසිටින හර්බජන් සිංද ශ්‍රේණිගතව සිටී.
ශී‍්‍ර ලංකාව වෙනුවෙන් මුත්තයියා මුරලිදරන් සහ චමින්ද වාස් කඩුලු 70 බැගින් ලබා සම තත්ත්වයේ පසුවෙති.
මේ කී‍්‍රඩකයෝ අද තරගයේදී තම වාසනාව උරගා බලද්දී මහේල ද අද තරගයේදී වාසනාව තමා වෙත නතු කරන ගැනීමට ප‍්‍රබල උත්සාහයක නිරත වෙනු ඇත.
ඒ ඉතිරි තරගවල තරගකාරිත්වය රැකගැනීමට නම් අද තරගය ජය ගැනීම අනිවාර්ය වන නිසාය. මහේලට එතැනින් නොනැවතී සෙසු තරග දෙකේදී ද මේ සෑම අභියෝගයකටම මුහුණදීමට සිදුවනු ඇත.
ඒ ඉන්දු - ශී‍්‍ර ලංකා එක්දින තරගමාලාවක ජයග‍්‍රහණ පිපාසාවෙන් පෙළෙන කි‍්‍රකට් කී‍්‍රඩා ලෝලීන් නිසාය.
ශී‍්‍ර ලංකාව ඉන්දියාවට එරෙහිව අවසන්වරට එක්දින තරගාවලියක් ජයගෙන ඇත්තේ 1997 වසරේ තරම් ඈතකය. එය ‘මෑතක’ ලෙස ළඟා කර ගැනීමට නම් මහේලට මේ තරග තුනම ජයගැනීමට සිදුවනු ඇත.