මහින්ද කුලංතුග හා චන්ද්‍රිකා පෙරේරා
මුලතිව් පුදුකුඩුඉරුප්පු ප‍්‍රදේශයේ පිහිටුවා තිබූ කොටින්ගේ විශාල පුහුණු කඳවුරු සංකීර්ණයක් පෙරේදා (13) සවස යුද හමුදාව විසින් අත්පත් කර ගනු ලැබීය.
එහි ෆයිබර් ග්ලාස් බෝට්ටු 10 ක්, පුහුණු අවි 10ක්, යකඩ ඇඳන් පහක්, පැදුරු 200ක්, කොට්ට 200ක්, කෑම බඳුන් 200 ක් හා ජල ටැංකි තොගයක් ද තිබුණු බව ජාතික ආරක්ෂාව පිළිබඳ මාධ්‍ය මධ්‍යස්ථානය පවසයි. එම කඳවුර වටා ආරක්ෂිත බංකර් ඉදිකර තිබූ අතර කඳවුරු පරිශ‍්‍රයේ පොල් අතු වලින් තැනූ කූඩාරම් වැනි මඩු විශාල ප‍්‍රමාණයක් තිබුණු බවද යුද හමුදාව කීය.
එදින මෙම ප‍්‍රදේශවල ඇතිවූ ගැටුම්වලින් පසු කළ සෝදිසියේදී ත‍්‍රස්ත මළ සිරුරු තුනක් ටී 56 ගිනි අවි හයක් හා පණිවිඩ හුවමාරු යන්ත‍්‍රයක් සොයාගෙන ඇත. පුදුකුඩුඉරුප්පු බටහිර, නැගෙනහිර, අම්පකාමම් උතුර ඇතුළු ප‍්‍රදේශ ගණනාවක එදින ගැටුම් හටගෙන තිබිණි.
Subscribe to:
Post Comments (Atom)
No comments:
Post a Comment